Shared by Miss Fram

Itago mo na lang ako sa pangalang Fram, bilang isang babae marami din akong naging kasintahan mula highschool hanggang magcollege, naloko na din ako, napaiyak ng lalake pero aaminin ko  mas marami akong nasaktang lalake dahil siguro nga bata pa ako nun.
     
Nung 2007 habang nag rereview ako para sa board exams may bf ako na naiwan sa province pinupunthan nya ako sa Manila every weekend para bisitahin, may pagka-obsessive sya at demanding yun ang mga bagay na inayawan ko at dahilan kung bakit naghanap ako ng iba at nakipaghiwalay sa kanya alam ko masakit sa kanya yun pero nakapagdesisyon na ako ayaw ko kasi na sinasakal nya ako na halos bawal na lahat may nakilala ako na classmate ko sa review tagaManila yung guy  at naging kami ni guy kaya ok naman kami nung una laging masaya nag-i-stay pa sya sa unit ko kasi mag isa ko lang nakatira sa condo kasi ang mga parents ko sa province sila dinadalaw lang ako paminsan minsan.

Kaya malaya kaming gawin mga bagay na gusto namin gabi-gabing pagbabar kasama tropa nya at ako ang nagbabayad pag may hiningi sya binibigay ko lahat dahil napamahal ako ng husto masyado kasi syang sweet at malambing, hanggang sa isang araw nalaman ko na may gf  pala sya at hiniwalayan nya ito agad agad para sa akin, pero mula noon di na ako at ease lage na ako balisa iniisip kong pinaglalaruan lang ako. Hanggang sa isang araw may nabasa ako na text galing sa kapatid ng exgf nya "kuya, hindi mo na ba mahal si ate pano ang magiging anak nyo?" nung nabasa ko yun nagulat ako, totoong hiniwalayan nga nya yung gf nya pero buntis pala yung babae kaya bilang babae kinausap ko sya, sinabi ko na kung ako pinili nya dahil masaya sya nagagawa nya gusto nya tulad ng pagbabar gabi-gabi sabi ko wag ganon may pananagutan pala sya, balikan nya yung exgf nya alam kong mahal nya pa sya naguguluhan lang sya at sabi ko hindi na sya pwedeng pumunta sa unit, kaya yun tinext nya yung exgf nya nagsorry sya inamin nya kasalanan nya. Nag-uusap sila sa phone na nandun lang ako sa tabi nya masakit para sakin pero sa tingin ko yun ang tama nagkaayos sila, pinaluwas nya ung exgf  ng Manila para magpacheck up sila since wala syang pera, nagbigay ako ng konting halaga para magamit nila sa pagpapacheck up.

Sobrang sakit ng moment na yun kahit 6 na buwan palang kami minahal ko syang totoo. Masakit  pero nagpapakatatag ako kasi alam kong yun ang tama. Nung mga panahong yun naiwan na ko mag-isa sa unit umalis na sya dala-dala gamit nya. Iyak ako ng iyak pagalis nya. Kaya dali-dali din akong nag impake at hinabol ang last trip pauwi ng probinsya namin dahil sa tingin ko kelangan ko nang masasandalan na kapamilya.  Paguwi ko sa probinsya namin, nakipagkita ako sa mga kaibigan namin at sinabi ko ang mga nangyari para mabawasan ang sama ng loob ko, ngunit unang araw ko palang sa probinsya nagkita kami ng isang schoolmate ko na nung highschool palang kami tinatawagan na ako at umaastang nanliligaw pero di ko pinapansin kasi may kayabangan sa school palibhasa anak mayaman, pero sa pagkakataong ito hindi na kami highschool. Graduate na kami ng college, pinakuha nya number ko sa isa sa mga friends nya at tinext nya ako, nung una hindi ko  pinapansin kasi alam kong brat sya. Pero mapursige sya magtext, text tawag sya palage. Bilang brokenhearted pinansin ko na din sya, akala ko noon panakip butas lang kasi nasaktan ako sa past ko, pero habang nagtagal seryoso pala kami sa isat isa, naging kami ni FM,  itago nalang natin sa pangalang FM, nasa Manila na ako nung naging kami, since wala naman akong ginagawa sa Manila kasi lumabas na result ng boards nun at masaya ako na nakapasa ako bilang nurse, minabuti ko na pong umuwi sa probinsya namin para dun na ulit manirahan.

Pag-uwi ko nagkita kami bilang magkasintahan, nung una nagkakahiyaan pa kami kasi may mga common friends kami na hindi inaakalang magiging kami kasi napaka-opposite namin sa isa't isa may mga nagsabi ding di kami magtatagal. Dumaan ang mga araw at lalong tumatatag pagsasama namin, lage kami magkasama, sinasamahan nya ako at tinutulungan sa business ko hindi kasi ako nag nurse, mas ginusto ko magnegosyo. Hanggang sa dumating ang araw na ikinasal kami year 2008. Masayang-masaya kami bigla po syang nagbago mula sa pagiging brat nya naging responsable sya, nagulat din mga magulang nya at mga kapatid sa transformation nya, nagtulungan kami mag-asawa sa negosyo itinigil ko muna ang boutique ko dahil di kami makabyahe dahil nagbuntis ako, kaya nag karinderia muna kami sa amin, hanggang sa makapanganak ako at biniyayaan kami ng isang supling na lalake na nagdulot ng higit na kasiyahan, nagpursige kaming ipagpatuloy ang mga pangarap namin binuksan ko ulit ang boutique ko nung 2009 at tinake charge ko na furniture shop na minana ko sa mga magulang ko habang sya naman ang nagmamanage ng family business nila. Responsable syang ama at asawa hanggang ngayon 5 taon na kaming kasal at masaya kami sa isa't isa pag may problema mas mabuting pagusapan ng mabuti, masasabi kong sa lahat ng pinagdadanan natin sa buhay pag ibig may natutunan tayo, dumadating ang taong para sa atin sa di inaasahang panahon, akala mo hindi sya pero yun pala sya ang nakatakda sayo.